Gym Secrets: Higit Pa sa Training - Part 2

 Habang seryosong nagsusulat si Enzo sa logbook, isang matapang at mamahaling amoy ng panlalaking pabango ang biglang bumalot sa paligid niya. Isang braso na may magandang depinisyon ng muscle ang biglang umakbay sa counter, halos madikit sa balikat ng binata.

"Aba, Aris! May bago tayong recruit? Mukhang kailangan ng espesyal na pag-aalaga nito, ah," isang boses na puno ng sigla at panunukso ang narinig ni Enzo.

Napaangat ang tingin ni Enzo at nakita si Santi. Naka-ngiti ito nang nakakaloko, ang mga mata ay mabilis na bumaba mula sa mukha ni Enzo hanggang sa mapuputing hita nito. Napaurong nang kaunti si Enzo, nahihiya sa biglaang atensyon.

"Santi, tantanan mo 'yung bata. Nag-e-enroll pa lang, tinatakot mo na," saway ni Aris habang inaayos ang mga papeles, pero nanatiling kalmado ang boses nito.

"Hindi ko tinatakot, Aris! Binabati ko lang," tumawa si Santi sabay baling muli kay Enzo. "Hi, I'm Santi. Don't worry, mababait ang mga tao rito... lalo na ako. Gusto mo ba ng spotter? Mahilig ako tumulong sa mga nagsisimula pa lang, lalo na 'yung mga... compact ang size. Madaling buhatin, madaling imaneho."

Nag-init ang mukha ni Enzo sa huling hirit ni Santi. Hindi niya sigurado kung guni-guni lang niya, pero parang may ibang kahulugan ang bawat salitang lumalabas sa bibig nito. "E-Enzo po," maikling sagot niya.

"Enzo... hmm, tunog masarap—este, tunog matatag," biro muli ni Santi sabay kindat. "Alam mo, Enzo, sa gym na 'to, hindi lang muscles ang pinapalaki. Pati 'yung mga... hidden potential, inilalabas namin."

"Santi, isa pa. Nakakaabala ka na sa kliyente," paguulit ni Aris, na sa pagkakataong ito ay tumingin na nang masama kay Santi. Bahagyang tumuwid ng tayo si Aris, at sa puntong iyon, muling napansin ni Enzo kung gaano kalaki ang tindig ng may-ari ng gym. Parang ang sarap magtago sa likod nito.

Habang nangyayari ang kulitan, napalingon si Enzo sa gawid ng mga bench press. Doon, nakita niya si Kuya Dong. Kasalukuyan itong nagbubuhat ng mabigat na barbell, ang mga braso ay halos pumuputok na sa laki at ang kanyang makapal na bigote ay basa ng pawis. Mukha siyang galit habang nag-e-exert ng effort, kaya naman mabilis na nag-iwas ng tingin si Enzo dahil sa takot na baka masigawan siya nito.

Ngunit bago pa makalingon pabalik si Enzo, sandaling nagtama ang paningin nila ni Kuya Dong. Sa gulat ni Enzo, hindi siya nito sinigawan. Bagkus, binigyan siya ni Kuya Dong ng isang tipid pero tapat na ngiti at isang bahagyang tango—isang senyas ng pagtanggap sa "pamilya" ng gym—bago ito bumalik sa pag-set.

"O, ayan. Nakilala mo na ang dalawa sa mga 'haligi' rito," sabi ni Aris sabay abot ng membership card kay Enzo. "Si Santi, ang maingay. At si Kuya Dong 'yung nandoon, huwag kang matakot doon, mukha lang mangangain ng tao 'yun pero mabait 'yun."

"Salamat po, Coach Aris," sabi ni Enzo, habang ang kamay niya ay nanginginig nang kaunti nang magkadikit ang mga daliri nila ni Aris sa pag-abot ng card.

"O paano, Enzo? Game na?" tanong ni Santi na tila ayaw pa ring lumayo sa tabi niya. "Gusto mo sa locker room muna tayo para makapag-stretch? Masarap mag-stretch doon... tahimik."